اسلام آباد ہائی کورٹ (آئی ایچ سی) فلیگ شپ ریفرنس میں نواز شریف کی بریت کے خلاف قومی احتساب بیورو (نیب) کی اپیل کی سماعت آج (بدھ) کرے گی۔

تفصیلات کے مطابق چیف جسٹس اسلام آباد ہائیکورٹ عامر فاروق اور جسٹس میاں گل حسن اورنگزیب پر مشتمل دو رکنی بینچ اپیلوں کی سماعت کرے گا۔

اس سے قبل دسمبر 2018 میں احتساب عدالت نے نواز شریف کو ریفرنس میں بری کردیا تھا جب کہ نیب نے احتساب عدالت کے فیصلے کے خلاف اپیل دائر کی تھی۔

اس کے علاوہ ایون فیلڈ اور العزیزیہ ریفرنسز میں سابق وزیراعظم کی سزا کے خلاف اپیلوں کی بھی آج سماعت ہوگی۔

نواز شریف کی پیشی کے باعث اسلام آباد ہائی کورٹ کے اطراف سیکیورٹی کے سخت انتظامات کیے گئے ہیں۔

اس کے لیے رجسٹرار آفس نے قواعد و ضوابط کے حوالے سے ایک سرکلر جاری کیا ہے جس کے مطابق کمرہ عدالت میں موبائل فون کی گھنٹی بجنے اور رش میں کمی کر دی گئی ہے۔

سرکلر میں کہا گیا ہے کہ انسپکٹر جنرل (آئی جی) اسلام آباد نواز شریف کی پیشی کے موقع پر سیکیورٹی کے مناسب انتظامات کو یقینی بنائیں۔